فراق الاب

بتاريخ 21/11/1962 اتولدد اجمل شخص في حياتي كلها هو اجمل شي في دنيتي ( ابويا ) اكتر شخص كان بيحب الخير لغيرو قبل نفسو وكان الواحيد في اخواتو اللي كان شايل ابوه وامو عاش حياتو يدور علي شغل وملقاش خالص دخلت عليه فترة وهي فترة الفقر 10 سنين مكانش في بيتو فلوس من اجل علاج امو اللي هو ( كانسر الثدي) وربنا سبحانه وتعالى جاعل الرزق لي علشان شاف كتير في دنيتو بتاريخ 23/3/2001 انا شرفت الدنيا وكان يوم الفرح لابويا علشان جالو الولد اللي كان نفسو فيه + الواد كبر واشتغل مع ابوه في الشركة بتاعت الحديد و الصاج اللي ابوه كان فيها والحمدلله الحياة بقت كويسه الي حدا ما وبتاريخ 1/5/2022 الموافق في الشهر الهجري 29 رمضان الساعة 11 بليل ابويا بقا في ذمة الله عز وجل كونت ساعتها مع صحابي واختي اتصلت عليه وبتقولي الحق ابوك يا محمد وصلت البيت ابويا مش راضي يقوم مليون شخص جوايا بيتكلمو في وقت واحد وانا اقولهم مش ميت وهيقوم من تاني هو بيحب يهزر و وهو بيحب يرعبنا عليه شوية لكن هو بخير وصاحي انا ابويا عمرو مهيسبني مدرتش بنفسي ولا ب اللي انا بعملو خالص وفضلت مش مصدق نفسي نهائي ان هو مات خلاص وكل حاجه حلوه راحت وسندي واخويا وصحبي وكل شي بلنسبالي راح بعيد عني وقت مصددقت ان هو مات بعد مانزلتو القبر وطلعت وهو مطلعش معايا + بعتذر لكل اللي بيشوف القصة ددي لكن كانت مطلوبة مني واديني كتبتها وانا بعيط ورجاء من كل واحد وكل واحده بتشوف الحكاية ددي يدعوه ل ولدي بالرحمة والمغفرة وربنا ميكتبها علي حد اللي انا فيه.

      كتابة

( محمد جمال )

الاحباط

شاب كان نفسو يكون حاجه في الدولة ويكون لي شهره جميله جدا بس لسه مجاش الدور عليه كان مدايق جدا ودخل في عملية احباط واكتئاب وزعل شديد جدا وفضل مقطنع انو مش هيوصل ولا هيحقق حلمو وكان بأس من الحياة كلها ومنع الوصول لحلمو ومببقاش عايز حاجه من الدنيا غير ان ربنا يطلعو منها بدري بدري فا في يوم راح لشيخ وقالو دلوقتي انا عندي حلم وعايز احققو اعمل اي الشيخ قالو انت بتصلي قالو لا راح الشيخ خدو وخلاه يصلي وانتظم لمدة سنه كامله وبعد كدا جاتلو رسالة مكتوب فيها (نحن شركة التمثيل العالميه ونحن شاهدنا فيديوهات ونطلب الذهاب اللي هذا العنوان لتوقيع علي عقود اول فيلم لك) الشاب شاف كدا راح باس ايد الشيخ اللي خلاه يصلي وبعد كدا شاف فيديو لشيخ الشعراوي رحمة الله كان بيقول فيه ( ان راضيت بما قسمته لك ارحت قلبك وبضنك ) الخلاصه خليك مؤمن ب ان مع العسر يسر.

كتابة

( محمد جمال )

الحلو مش بيفضل مستمر

حكاية شاب اتساب علشان كان راجل في تصرفاتو كان شديد في علاقتو العاطفيه كان بيغير لدرجه كبيرة جدا والنهاية اتساب واتعاير وكان نفسو يشوف حبيبتو تاني رغم ان هي الانسانه الواحيده اللي كسارتو لكن كان عايز يشوفها من بعيد ويوم لما شافها من بعيد شافها مش مضايقه ولا زعلانه علشان هما سابو بعد لكن لا شافها مببسوطه وبتهزر وبتضحك وكل حاجه بلنسبالها عادي كأن الانسان دا مداخلش حياتها من الاول اصلا ودا اللي بيوجع لما الانسان يتساب علشان اسباب فارغه لما تخدو العزر لنفسكم خدو برضو العزر للناس التانيه اللي دايما بيبوص في النص الفاضي في الكوباية عمرو مبيعرف قيمة الناس خالص وبرضو ارجع واقول ليها ربنا يسعدها حتي لو مع غيري لان حكاية الانسان اللي اتكاسر دا هو انا وعارف اني مش احسن حد في الدنيا بس برضو مش اوحش حد بيمكن بتعصب بتخانق بس طيب برضو وكمان محدش هيفهمني غير نفسي او غيرها ههه مش مهم بقا مع الواقت هكون احسن.

كتابة

( محمد جمال )

لحظة لقاء بعد ٣ سنين والمفاجأة !

شاب اتساب بعد حب ٣ سنين وبعد كدا الوجع مسك فيه ومش عارف يعيش من غيرها خالص وحياتو كلها سودا خالص فا عدا يوم في التاني في التالت والشاب عايز يعرف عنها حاجه وعدا شهر في التاني في التالت في الرابع وهو برضو عايز يعرف فين اراضيها ويلاقيها فين رغم ان هي دي البنت اللي سابتو وقت مكان عامل عملية في دراعو عايرتو بدراعو وبمنظرو عايرتو بلشهاده بتاعتو الاعداديه الا ان هو بلرغم عن كل دول عايز برضو يشوفها علشان واحشاه وعلشان كدا كمان الحب اللي بجد ..... بس ثواني كدا كلمة الحب دي علي الشاب بس لكن البنت لا لان هو شافها ماشيه مع صحبتها اللي قالها ماتمشيش مع البنت دي تاني لانها مش كويسه وشافها وكان معاهم شاب بيقولو لكل الناس انو اخوهم الغريب مش في كدا الغريب في حاجه تانيه هو انا قليل لدرجه دي علشان هي تشوفني متكلمنيش ولا تسأل عليا وماشية تهزر وتضحك والدنيا عادي بلنسبالها؟ فعلا زي ما اللي قبلنا قالوها .. (الطيور علي اشكالها تقع).

كتابة

(محمد جمال)

حكاية شاب اتظلم

الحكاية حكاية شاب حب انسانه مكانتش بتحبو اصلا فضل يعمل علشانها كل حاجه حلوه ويشجعها علي اي حاجه ووقت لما تقع هو اول واحد بيكون في ضهرها ويسندها بس هي اللي مش بتحبو سابتو وقت ماعمل حدثة واتخياط فيها وطالعتو خاين ومش بطيقو وبكرهو وكل حاجه وحشه اتقالت عليه وكمان عايرتو ب الشهادة اللي مش معاه وكمان عايرتو بدراعو وفي الاخر خالص كل حبو اللي عاملو علشانها في الاخر سابتو وقالت عليه اللي هو مش فيه اصلا وكمان الشاب دا هو انا وعادي انا مش زعلان من اللي حصل الحمدلله دي حاجه بتاعت ربنا علشان ربنا هو اللي مشاها من حياتي لان لو كانت فيها كانت زامنها دمرتها اكتر ماهي مدامرا وكمان حاجه جوايا اني عمري مابقدر انسانها خالص بس كلو نسيني ونا مش بنسي وكمان مش فارقه مع حد حتي انا مش فارقه معايا بس مش مهم مع الواقت هكون احسن.

كتابة

(محمد جمال)

الغيره بين المرتبطين

انا بغير عليها مش بحب حد يكلمها غيري بغير عليها حتي من ابوها واخوها ولما تيجي تقولي رايحه عند قريبيي يقا يومها مش معادي معايا خالص بقعد ازعل واتعصب بس برضو برجع اقول انا من غيرها ولا حاجه هي اللي خليتني احب بجد خليتني اكون انسان بيحس بمشاعر الناس بقعد افكر ازاي هخليها تفك عن نفسها رغم اني انا السبب في الزعل بتاعها بس كفاية عليا ان غيرتي كسبتها وخلتها متنزلش ولا تروح في اي حته لاني بجد بحبها ومستوي الغيرة بتاعتي عليها مالوش مستوي كل دقيقه بيزيد عن اليوم اللي قبل منو وكما قال الشاعر ( ياصحبي لا تخيرني في الحب فأني اخترت ملكتي).

كتابة (محمد جمال)

حكاية شاب

شاب كان بيحب واحده اربع سنين وفضل معاها وعاش معاها وكان رايدها وعايزها تكون من نصيبو وكلم اهلها بس اهلها مكانوش موافقين عليه علشان هو مش معاه شهادة معاه اعدادية فقط وبعد كدا كان عايز يدخل العلام تاني علشان خاطر بنتهم بس المشكلة انو معاه مسأولية اب وام بيسرف عليهم ومساريف البيت وكل حاجه بس هي مش عارفه تعمل اي مع اهلها لو دا لو حب اكيد هتعمل المستحيل علشان يكون جمب منها عدت الايام وكانت مشتركة في جروب تبع دراستها وهو كان اكتر واحد كان بيشجعها علشان تكون نجحه وعندها مستقبل وفجاه اتخنق من الجروب دا لان غيرتو شديده اوي ممكن توصل للخناق بلسنين قالها اخرجي منو ردت عليه رد لغاية دلوقتي كسرو ( محمد لو انت هتقف ادام مستقبلي انا عندي اخصرك فيها) وبلفعل خسرتو .. ساعات بيكون الحب جميل بس الكرامه اجمل بكتير.

( محمد جمال )